Por Girala Yampey

Ñande ka’aguy járante voi. Upevarâ ñanemoî Ñande Ru guasu Tenonde ko yvy apére. Ñande ñaime koápe ñañangareko haguâ magmáva mymba oikóva ka’aguýre. Yvyrakuera ha ysyrýre, eírakuera ha guyra opáichaguare. Upéicha oipota osyryrý ñande rekove, Ñande Ru Tenonde.

Upevo, he’i vaekue Ñande Ru: Peñangareko vaerâ ka’aguýre, ha opa ysyry, mymba, guyra ha eirete oiméva yvy apére. Pe’ê ka’aguýpe guarânte. Opaite oiméva yvy ári, penemba’erâ, peipuru vaerâ peikotevêva, peikoteveháicha. Îkatu pe mopotî umi javorái ha pe ñemity pende kóga kuéra. Ikatu peipuru opámba’e peikôtevéva. Ani pemosarambi rei, ha pe mombo, terâ pe mbyai peikotevê’yva.

Upevarâ, oheja ñande pópe ka’aguykuéra. Ña ñangareko haguâ hesekuéra. Ani avave opoko vai, oikytî rei, ohapy ha ojuka rei, tekôteve’yre ñande ramoi yvyrakuéra. Umíva, omonandi rei ñande rokoha.

Ñande ka’aguypegua. Upépe oime ñande koga ha ñandereko. Upépe, Ñande Ru oipota jaiko teko mborayhúpe, vy’a popytépe.